ექსკურსია მცხეთაში

15.05.2016

შიომღვიმე

სვეტიცხოველი - არქეოლოგიური მუზეუმი - ჯვარი

კვლავ ვესტუმრეთ თავისუფალ თეატრს

თეატრში ვნახეთ არაჩვეულებრივი სპექტაკლი "ღმერთო დაგვიფარე ჩვენ და ადამიანები". რომანტიულმა კომედიამ მოსწავლეების და მშობლების უდიდესი მოწონება დაიმსახურა...თან ვტიროდით, თან ვიცინოდით...სპექტაკლის შემდეგ მოსწავლეები შეხვდნენ მსახიობებს, გაესაუბრნენ, გადაიღეს სურათები...

"ყველაზე წიგნიერი"- ვიქტორინის გამარჯვებული

სალომე ზაქარიაძეს ვულოცავთ  გამარჯვებას... წარმატებები...

"ყველაზე წიგნიერი" - ესეების კონკურსი

სალომე ზაქარიაძე, მე-9 კლასი, თბილისის N76 საჯარო სკოლა

ყველაზე წიგნიერი·7 МАРТА 2016 Г.

„ჯინსების თაობა“- სახელი,რომელიც ადამიანში ასოცირდება,როგორც თავისუფლებისადმი დაუოკებელი სურვილი,როგორც ახალი ეპოქის დასაწყისი და შებრძოლება მასთან რაც წინ ეღობება,აკავებს და ცდილობს მის მარწუხებში მოიმწყვდიოს.ამ შემთხვევაში კი ვგულისხმობ „დამნაშავე გმირებს“,რომლებმაც საბჭოთა კავშირის წინააღმდეგ გაიბრძოლეს და მათთვის პირველი დარტყმის სიმძიმე აიღეს ხელთ.
ჩემი აზრით,ჯინსი მათგან გაიგივებულია,როგორც თავისუფლებასთან,რადგან სადაც არ იყო ჯინსი აკრძალული,სწორედ იქ სუფევდა ბედნიერებაც,სილაღეც და სამართლიანობაც.სწორედ ეს ყველაფერი აკლდა ჩვენს ქვეყანას,ასე რომ ვთქვათ, ეგრეთ წოდებული „ჯინსი“.

სტუმრად თავისუფალ თეატრში

02.03.16 თავისუფალ თეატრში ვნახეთ სპექტაკლი "ჯინსების თაობა". სპექტაკლის შემდეგ შევხვდით მსახიობებს. საუბარი მათთან საკმაოდ საინტერესო იყო.

                                                         
ჩვენს მიერ გადაღებული ფოტოები...დაუვიწყარი ეპიზოდები...

"ყველაზე წიგნიერი"- ესეების კონკურსი

თიკო ქისიშვილი, მე-9 კლასი, თბილისის N76 საჯარო სკოლა

ყველაზე წიგნიერი·2 МАРТА 2016 Г.

ჯონ გრინის "ქაღალდის ქალაქებმა" საკმაოდ დიდი პოპულარობა მოიპოვა დღევანდელ საზოგადოებაში. ხალხში გამოიყო სხვადასხვა მოსაზრებები წიგნის შესახებ და თითქმის თითოეული მათგანი განსხვავებული იყო. აქედან გაიღვიძა ჩემში ამ წიგნის მიმართ ინტერესმა, რადგან მინდოდა გამეგო ავტორის მთავარი სათქმელი. წიგნის წაკითხვის შემდეგ კი მივხვდი, რომ ადამიანი უფლის ისეთი ქმნილებაა, რომლისთვისაც სიტყვა "შეუძლებელი" არ არსებობს. ეს კარგად არის გამოხატული კვენტინის (ქიუს) პერსონაჟში. ყველაზე მკვეთრად კი მასში სიძლიერის ძალა გამოიხატება მაშინ, როდესაც ის დიდი დარტყმის შემდეგ მაინც წამოდგება, მწარე წარსულის მიუხედავად მაინც ზრუნავს და ფიქრობს მომავალზე. მყარად დგას და მხოლოდ წინ მიდის , ხოლო როდესაც მიაღწევს სრულფასოვან ცხოვრებას, ზუსტად მის შავ პერიოდზე გაეიცინება და ყველაზე ძლიერ გრძნობას მხოლოდ სიამაყეს იგრძნობს.

"ყველაზე წიგნიერი"-შესარჩევი ტური

გამომცემლობა "ბაკურ სულაკაური" ატარებს პროექტს "ყველაზე წიგნიერი". შესარჩევი ტური ჩატარდა სკოლაში. ჩვენი კლასი აქტიურად ჩაერთო ამ პროექტში. გავიმარჯვეთ და გადავედით შემდეგ მეორე ტურში. კლასიდა მიიღო მონაწილეობა ორმა გუნდმა.
გუნდი "მარსელები":

• თიკო ქისიშვილი
• ლუკა ღვინჯილია
• გარიკ მაჩკალოვე
• ხატია პავლიაშვილი
• მარიამ აფციაური
• შორენა გულიშევი

გუნდი "ოქროს წვიმა":

• სალომე ზაქარიაძე
• თინათინ ივანიშვილი
• გვანცა აფაქიძე
• თამარ ინაშვილი
• მარიამ სეფიაშვილი
• ლინა აჯოიანი

პროექტი"დაარღვიე სიჩუმე-არა ძალადობას!"

  "ახალგაზრდული სამეცნიერო გაერთიანება"-მ და სტუდენტური სამეცნიერო კვლევითი კლუბი "ვიტალის"-მა პროექტის ფარგლებში ჩაატარეს ორდღიანი ტრენინგი და ფილმის ჩვენება.
  25-26 თებერვალს გაიმართა ტრენინგი:

• ძალადობასთან ბრძოლის იურიდიული ასპექტები
• ძალადობასთან ბრძოლის ფსიქოლოგიური  ასპექტებ  

ბავშვები აქტიურად იყვნენ ჩართულები ტრენინგში და ძალიან კარგად გაართვეს თავი. იყო ქეისების განხილვა, როგორც იურიდიულ ასევე ფსიქოლოგიურ ასპექტში. ეს მართლაც წარმატებული და შთაბეჭდილებით სავსე დღე იყო.

      პროექტში მონაწილე მოსწავლეებს,  გვანცა აფაქიძეს  და  სალომე ზაქარიაძეს,  გადაეცათ სერტიფიტატები

 გვანცამ და სალომემ საკუთარი შესაძლებლობები კარგად წარმოაჩინეს, რისთვისაც სკოლას გადაეცა მადლობის სიგელი.

პროექტი"დაარღვიე სიჩუმე-არა ძალადობას!"

პირველი დღე-24 თებერვალი
თბილისის სახელმწიფო სამედიცინო უნივერსიტეტში ჩატარდა საუკეთესო ათეულში გასულ მოსწავლეთა თხზულებების პრეზენტაცია. სალომე ზაქარიაძემ და გვანცა აფაქიძემ წაიკითხეს საკუთარი ნაწარმოებები, მოსწავლეების შემოქმედებამ  დიდი მოწონება დაიმსახურა. შემდეგ მოეწყო ნახატების კონკურსი.

პროექტი "დაარღვიე სიჩუმე-არა ძალადობას!"

 "ახალგაზრდული სამეცნიერო გაერთიანება" და სტუდენტური სამეცნიერო კვლევითი კლუბი "ვიტალისი" ახორციელებს პროექტს "დაარღვიე სიჩუმე-არა ძალადობას!", რომელიც წარმოადგენს ძალადობის საწინააღმდეგო კამპანიას.
    პროექტში აქტიურად ჩაერთნენ ჩვენი კლასის მოსწავლეები გვანცა აფაქიძე და სალომე ზაქარიაძე. მათ წარადგინეს საკუთარი თხზულებები, გამოხატეს ამ პრობლემის ინდივიდუალური ხედვა და გადაჭრის გზები. გოგონების ნაშრომებმა დაიმსახურეს მოწონება. კონკურსის შედეგად მოხვდნენ საუკეთესო ათეულში.
        გვანცას და სალომეს ვულოცავთ წერმატერბებს.

გვანცა აფაქიძის თხზულება

სიკეთით სძლიე შენს მტერსა,

ერიდე სისხლით ზღვევასა,

სულგრძელებითა ძლევა სჯობს

ვაჟკაცობითა ძლევასა..

ილია ჭავჭავაძე

,, დაარღვიე სიჩუმე - არა ძალადობას ’’

   წვიმიანი დღე იყო. თითქოს ბუნება ტიროდაო. ტიროდა და ადამიანს თანაგრძნობას უცხადებდა. მას მერე რაც ჩემზე ძალადობდნენ, წლებია გასული. თუმცა ჯერ კიდევ      მტკივა  წარსული.

   უამინდობის გამო სახლში ვიყავი ჩაკეტილი. ასეთ ამინდში გარეთ ძაღლსაც არ გააგდებდნენ. უსაქმურობის გამო ოთახის მილაგება დავიწყე, როცა ჩემს ძველ დღიურს გადავაწყდი. სევდიანად გამეღიმა, ის დრო გამახსენდა როცა მას ვწერდი. ცრემლი წამომივიდა, თუმცა არ დავნებდი. ახლა ყველაფერი სხვანაირადაა. დღიური გადავშალე და სათაურების კითხვა დავიწყე. სევდიანი ღიმილით ვკითხულობდი თითოეულ დღეს. თუმცა, როცა ბოლო დღეს მივადექი, მწარედ ავქვითინდი.

სალომე ზაქარიაძის თხზულება

                              „დაარღვიე სიჩუმე-არა ძალადობას!“

         შემოდგომის სუსხიანი საღამო იდგა.ალექსანდრე,რომელიც მხოლოდ 9 წლის იყო,უღიმღამოდ მიუყვებოდა ქუჩებს და თითქოს მისი პატარა გული და გონება მხოლოდ ერთი რამისკენ მიილტვოდა,ამოეხსნა მისი არსებისთვის ამოუხსნელი საიდუმლოება,რომელიც მას სულიერად ანადგურებდა.

   ალბათ,დამეთანხმებით,რომ ბავშვის ბუნება სხვანაირად არის მოწყობილი,მათი სათვალე უბრალოდ ფერადი და ჯადოსნურია,რომელიც გიბიძგებს,რომ ცხოვრების სასტიკი,დაუნდობელი მხარე ბნელ კუნჭულში სამუდამოდ გამოკეტო.მაგრამ,სამწუხაროდ,არის შემთხვევები,როდესაც ამ სათვალეს ფერადოვნებას თავად საზოგადოება აკარგვინებს.