ბლოგების კონკურსში გამარჯვება

საქართველოს განათლებისა და მეცნიერების სამინისტროს ორგანიზებით, გაიმართა მოსწავლეთა კონფერენცია თემაზე „ჩვენ ვიცავთ თანატოლების უფლებებს“. კონფერენციაში მონაწილეობდნენ მოსწავლეები და მათი პედაგოგები, სკოლის დირექტორები თბილისიდან და რეგიონებიდან. კონფერენციას ესწრებოდნენ საქართველოს განათლებისა და მეცნიერების მინისტრის მოადგილე ლია გიგაური, სპორტისა და ახალგაზრდობის მინისტრი ლევან ყიფიანი, სამინისტროსა და სახალხო დამცველის წარმომადგენლები.

კონფერენციის ფარგლებში ასევე გაიმართა ბლოგების კონკურსი „ჩვენ ვიცავთ თანატოლების უფლებებს“, რომელშიც ჩვენი კლასის მოსწავლეებმა  გაიმარჯვეს.

ბლოგების კონკურსში გამარჯვებული მოსწავლეები გახდნენ: 

გვანცა აფაქიძე
სალომე ზაქარიაძე
თინათინ ივანიშვილი

გამარჯვებულ მოსწავლეებს  ფულადი ჯილდო და დიპლომები გადაეცათ.

კონფერენციის მიზანი იყო ადამიანის უფლებების/ბავშვის უფლებების თემაზე მოსწავლეთა ინფორმირება, ტოლერანტობის,  სამოქალაქო და სამართლებრივი ცნობიერების ამაღლება. ინფორმირების გაზრდა ძალადობის ფორმებისა და ძალადობისაგან თავის არიდების თაობაზე. 

ექსკურსია თბილისის ავტომუზეუმში

13.12.14  ვესტუმრეთ თბილისის ავტომუზეუმს 
მიზანი: შემეცნებითი განვითარება და  თვალსაწიერის გაზრდა.მოსწავლეები  გაეცნონ  თბილისის ავტომუზეუმს, რომელიც ახლახანს გამოჩნდა  მსოფლიო ავტომუზეუმების სიაში. მოსწავლეებმა დაათვალიერონ   რარიტეტული ავტომობილები, მოისმინონ მათი შექმნის ისტორია, იმსჯელონ და გაუზიარონ ერთმანეთს შთაბეჭდილებები.

თბილისის ავტომუზეუმში 13.12.14 on PhotoPeach

კომედი ცენტრში...

ბლოგების კონკურსი "ჩვენ ვიცავთ თანატოლების უფლებებს"

 ჩვენი კლასის მოსწავლეები, გვანცა აფაქიძე, სალომე ზაქარიაძე  და  თინათინ ივანიშვილი, აქტიურად ჩაერთნენ ბლოგების კონკურსში "ჩვენ ვიცავთ თანატოლების უფლებებს".კონკურსის მიზანია მოსწავლეებში სოციალური და სამოქალაქო ცნობიერების ამაღლების ხელშეწყობა. ამ მიზნით შეიქმნა ბლოგი uplebebi76.blogspot.com
პირველი სასკოლო ტური წარმატებით გაიარეს. გამარჯვებულები გადავიდნენ მეორე ტურში.
გისურვებთ წარმატებებს.

ონლაინ-ტესტი -н- и -нн- в суффиксах прилагательных (შეამოწმე შენი თავი)

-н- и -нн- в суффиксах прилагательных(დააკლიკე, გაიარე ტესტი, შეამოწმე  შენი  თავი)

კალიგრაფიის კონკურსი

ჩვენი კლასის მოსწავლემ, შორენა გულიშევმა,  მიიღო  მონაწილეობა  კალიგრაფიის კონკურსში და  დაიკავა  პირველი ადგილი, კონკურსის პირველი ეტაპი ჩატარდა სკოლაში. ნაშრომი გაიგზავნა ქ.თბილისის  ხელნაწერთა ეროვნულ ცენტრში.      ქართული ენის  და  ლიტერატურის  მასწავლებელი - ნათია ყარყარაშვილი

შორენა,  გისურვებთ წარმატებებს!!!!!!!!!! 

საგანმანათლებლო პროგრამაში მონაწილეობა...

ჩვენი კლასი ჩაერთო საგანმანათლებლო პროგრამაში, რომელიც შემოგვთავაზა საქართველოს ეროვნული მუზეუმის  საგანმანათლებლო ცენტრმა,მივიღეთ მონაწილეობა პროექტში
            "როგორ დავიცვათ და გავუფრთხილდეთ ხელნაწერ და ნაბეჭდ წიგნებს"
   პროგრამა ითვალისწინებს საინტერესო აქტივობებს და ინფორმაციულ მასალის მიწოდებას,

მიზანი: სამწიგნობრო ხელოვნების შესწავლა.ხელნაწერ და ნაბეჭდ წიგნების მოპყრობის  წესების  შესწავლა, დაზიანებული წიგნების განახლების უნარ-ჩვევების გამომუშავება,

რეზიუმე: მოსწავლეებმა პრეზენტაციის  და ლექციის სახით  მოისმინეს და შეისწავლეს სამწიგნობრო ხელოვნების  დიდი და საინტერესო ისტორია, გაეცნენ  ჩვენამდე მოღწეულ უძველეს წერილობით ძეგლებს, რომელიც  თარიღდება V-VI სს. იყო  განხილული მრავალი საკითხები: როგორ მოვეპყროთ ხელნაწერ და ნაბეჭდ წიგნებს, როგორ განვაახლოთ დაზიანებული წიგნები, როგორ მოვათავსოთ თაროზე და რა პირობები შევუქმნათ, როგორ ვითარდებოდა კოდექსის ფორმირების პროცესი, საწერი მასალის რაობა, მათი დამზადების და გამოყენების წესები. მოსწავლეებმა შეისწავლეს პაპირუსის, ეტრატის, ქაღალდის  და  მელნის დამზადების ისტორია და შედგენილობა, ქართულ წერილობით ძეგლებში  არსებული მონაცემები  და შესაბამისი ტექნოლოგია.
 ამ პროგრამაში მონაწილეობამ გაუღვივა მოსწავლეებს ინტერესი ქართული დამწერლობის მიმართ, მოსწალლეებს გამოუმუშავდათ წიგნის მიმართ მოპყრობის უნარ-ჩვევები. საგანმანათლებლო  პროგრამაში აქტიურად ჩართვა  და მონაწილეობისათვის  კლასი დაჯილდოვდა  დიპლომით.

თბილისობა 2014

ჩვენი კლასის მოსწავლეები თბილისობის დღესასწაულზე.

ექსკურსია შავნაბადას მონასტერში

ჩატარების თარიღი: 18.10.2014
მიზანი:მოსწავლეების კულტურულიდა  ესთეტიკური განვითარება, თანამშრომლობა,
თვალსაწიერის გაფართოება. სასწავლო პროცესის გახალისება.

ექსკურსიის მნიშვნელობა: სასკოლო ექსკურსიებს უმნიშვნელოვანესი როლი აქვს სკოლის კლასგარეშე განათლებისას. სასკოლო ექსკურსიებზე მოსწავლეებს არა მარტო ნასწავლის შესახებ ბუნებრივ გარემოში განცდის შესაძლებლობა აქვთ, არამედ აქ მათ მნიშვნელოვანი სოციალური და თვითმართვის ჩვევებიც უვითარდებათ. მოსწავლეები სასკოლო ექსკურსიებზე არა მარტო სწავლობენ ერთად, არამედ ერთად ისვენებენ. მნიშვნელოვანია, რომ ექსკურსია წინასწარ იყოს დაგეგმილი.  ექსკურსია მაქსიმალურად საინტერესო და საგანმანათლებლო ღირებულების მატარებელია.

ექსკურსია შავნაბადას მონასტერში on PhotoPeach

რეზიუმე: მოსწავლეები მოუთმენლად ელოდებოდნენ ამ დღეს...ეს იყო კიდევ ერთი ლამაზი, დაუვიწყარი დღე ჩვენი კლასის ცხოვრებაში...შემოდგომის მზიანი დილა გათენდა...გავემგზავრეთ სასწავლო ექსკურსიაზე...შავნაბადა – წმინდა

გიორგის სახელობის მონასტერი სამხრეთაღმოსავლეთ საქართველოში, თბილისიდან 30 კმ-ში.დაარსდა წმინდა გიორგის სახელობის ეკლესიასთან 1992 წელს, საქართველოს კათოლიკოს-პატრიარქის ილია II-ის ლოცვა-კურთხევით... წარუშლელი შთაბეჭდილება დატოვა შავნაბადას წმინდა გიორგის მამათა მონასტერმა. მოსწავლეებმა მოინახულეს და მოილოცეს წმინდა გიორგის მონასტერი, დალაშქრეს შავნაბადას მთა. დიდხანს გავჩერდით მონასტრის მთაზე, ბავშვებმა თამაშით და ერთმანეთის სიყვარულით გული იჯერეს. საღამო ხანს დავანთეთ კოცონი, მოვაწყეთ პოეზიის საღამო...მოსწავლეებმა ისაუბრეს ექსკურსიის მნიშვნელობაზე და გამოხატეს საკუთარი აზრი, შთაბეჭდილებები.კმაყოფილნი და ერთი ბედნიერი დღით დამტკბარნი გვიან დავბრუნდით სახლში იმ იმედით, რომ მომავალში გავაგრძელებთ ქართული კულტურის და ღირშესანიშნაობების მონახულებას. ერთად ვიმოგზაურებთ და უკეთ გავიცნობთ ჩვენ პატარა საქართველოს.

ექსკურსია საქართველოს ეროვნულ მუზეუმში

 თარიღი:  18.11.2014წ.
მიზანი: მოსწავლეების შემეცნებითი,  კულტურული  და შინაგანი  სამყაროს
განვითარება, მოსწავლეთა დაინტერესება საქართველოს კულტურული მემკვიდრეობით, მუზეუმში დაცული ეროვნული საგანძურის დათვალიერება.
რეზიუმე:
მოსწავლეებმა მოინახულეს არქეოლოგიურ საგანძურში დაცული საქართველოს კუთხეებში აღმოჩენილი და სხვადასხვა დროით დათარიღებული ქართული ოქრომჭედლობის უძველესი ნიმუშები: ოქროს ლომის ქანდაკება, თრიალეთის ოქროს თასი, ვერცხლის სარწყული, დიადემები,  სამაჯურები, სასაფეთქლეები, ბეჭდები, საყურეები, სამოსის საკინძეები, ბერძნული წარმომავლობის ჭურჭელი, ირანული წარმომავლობის საწოლის ჭედური ფეხები და სხვ. მოსწავლეები გაეცვნენ აგრეთვე ოქროს მოპოვების ქართულ ტრადიციებს, გაეცვნენ ცვარას ტექნიკას. შემდეგ გაეცნენ საქართველოს ოკუპაციის დროინდელი არტეფაქტებს,  ნახეს დოკუმენტური, ფოტო-ვიდეო და საარქივო მასალები. ექსკურსიის  მსვლელობისას მოსწავლეებმა  დაათვალიერეს  ქართული ტრადიციული ჩაცმულობის ნიმუშები.
   ღონისძიება მნიშვნელოვანი იყო თითოეული მოსწავლისათვის, რადგან გაეცვნენ საკუთარი ქვეყნის კულტურას. ექსკურსიის შედეგად გაიზარდა მოსწავლეების ინტერესი არქეოლოგიის მიმართ და აუმაღლდათ შინაგანი მოტივაცია საქართველოს ისტორიის შესწავლაში.

სადამრიგებლო საათი " წარმატებული მოსწავლე "

თარიღი: 17.11.2014
მიზანი: მოსწავლეებმა იმსჯელონ  და  გამოხატონ საკუთარი აზრი -თუ  რას ნიშნავს მერვეკლასელისთვის იყოს წარმატებული,  ჩამოვუყალიბოთ წარმატებული მოსწავლეების მეცადინეობის ეფექტური უნარ-ჩვევები, მოსწავლეებს მივცეთ რეკომენდაციები.
 აქტივობები:

•  გონებრივი იერიში (  წარმატება და წარმატებული ადამიანი )
• მასწავლებლის მინი-ლექცია 
•  ჯგუფებში  მუშაობა (  წინასწარ მოიძიეს ინფორმაცია ყველაზე ცნობილ წარმატებულ ადამიანებზე, აწყობენ პრეზენტაციას. პირველი ჯგუფი:მარკ ცუკერბერგი მეორე ჯგუფი: ბილ გეიტსი )
  

• რეკომენდაციების მიცემა. რა უნდა გავაკეთოთ, რომ გავხდეთ წარმატებული მოსწავლეები.

გამოყენებული მასალა:

მშობელთა კრება

               03.10.2014        

              დღის  წესრიგი:
    1.2014-2015 სასწავლო წლის ამოცანები
    2. საორგანიზაციო საკითხები
    3.მშობელთა  სათათბიროს არჩევა

    ვისაუბრეთ  ახალი სასწავლო წლის ამოცანებზე. წლის მანძილზე დაგეგმილი აქტივობების შესახებ (შემეცნებითი, ესთეტიკური, ექსკურსია). საორგანიზაციო საკითხებზე. გავამახვილეთ ყურადღება  მოსწავლეების  გაცდენებზე, დაგვიანებებზე, ფორმებზე.  ავირჩიეთ მშობელთა სათათბიროს წარმომადგენლები  (მაია  ღვინჯილია, გაიანე მაჩკალოვი, ციცო  ინაშვილი, ნანა კინწურაშვილი).

2014-2015 სასწავლო წელი იწყება...

    ძვირფასო ბავშვებო , პედაგოგებო, მშობლებო!

 გილოცავთ ახალი სასწავლო წლის დაწყებას ! გისურვებთ, რომ 2014 - 2015 სასწავლო წელი თვითოეული თქვენთაგანისთვის ყოფილიყოს წარმატებული, ნაყოფიერი და ბედნიერი.
  ბავშვებო, ძალიან  მომენატრეთ. გელოდებით სკოლაში  ორშაბათს 15სექტემბერს...

ექსკურსია: მწვანე მონასტერი, ტიმოთეს უბანი. ბორჯომის ხეობა...

8 ივნისი... ჩატარდა სასწავლო ექსკურსია: ბორჯომი, ტიმოთეს უბანი,მწვანე მონასტერი. ძალიან საინტერესო და შემეცნებითად  დატვირთული  ექსკურსია  გამოვიდა. მოვინახულეთ  და  დავათვალიერეთ ისტორიული და რელიგიურ-კულტურული ნაგებობები. კიდევ ერთხელ შევეხეთ ჩვენი ერის საგანძურს...

მშობელთათვის...

                   10 რჩევა მშობელთათვის-ანტუან ეგზიუპერი

1. ნუ ელოდებით, რომ თქვენი შვილი თქვენნაირი ან თქვენ რომ გსურთ, ისეთი იქნება. ხელი შეუწყვეთ, რომ დამოუკიდებელ პიროვნებად ჩამოყალიბდეს.

2. ნუ მოითხოვთ სამაგიეროს შვილისგან იმისათვის, რაც მისთვის გაგიკეთებიათ. თქვენ მას სიცოცხლე აჩუქეთ, როგორ უნდა გადაგიხადოთ შვილმა მადლობა? ის სხვას აჩუქებს სიცოცხლეს, სხვა კიდევ სხვას და ა.შ. ეს მადლიერების შეუქცევადი კანონია.

3.თუ გსურთ, სიბერე არ გაგიმწარდეთ, წყენას შვილზე ნურასდროს გადმოანთხევთ, ანუ რასაც დასთესთ, იმას მოიმკით.

4. მის პრობლემებს ქედმაღლურად ნუ შეხვდებით. ცხოვრებას ყველა საკუთარი ძალების შესაბამისად უძლებს. იცოდეთ, მისთვის ცხოვრების ტვირთი შეიძლება გაცილებით მძიმეა, ვიდრე თქვენთვის, რადგან მას ნაკლები გამოცდილება აქვს.

5. არ დაამციროთ!

შ.ამირანაშვილის სახელობის ხელოვნების მუზეუმში

30 მარტს  მოვაწყეთ სასწავლო ექსკურსია ხელოვნების სახელმწიფო მუზეუმში,რომლის მიზანიც იყო მოსწავლეთა დაინტერესება საქართველოს კულტურული მემკვიდრეობით.მუზეუმში მოსწავლეებმა დაათვალიერეს უნიკალური ნივთები, ხელით ნაქსოვი ფარდაგები, საუკუნოვანი ჭურჭელი და სხვა. განსაკუთრებული ყურადღება მიიქცია ოქროს ფონდმა, სადაც ინახება მეფეთა სამკაულები, ნივთები, სხვადასხვა საუკუნეში შესრულებული ხატები და ჯვრები.

კლასის ხელმძღვანელის  ანგარიში

რუსთაველის თეატრში...

30 მარტს  ჩვენი კლასი სტუმრად იმყოფებოდა   შოთა რუსთაველის  სახელობის დრამატულ  თეატრში. ბავშვები დაესწრნენ მარკ  ტვენის "უფლისწული  და  მათხოვარის"  მიხედვით რობერტ სტურუას მიერ დადგმულ სპექტაკლს, რომელიც ჩვენი თანამედროვეობის კონტექსტშია გააზრებული.

სადამრიგებლო საათის ანგარიში იხილეთ ქვემოთ.

მარკ ტვენი - "ამერიკული ლიტერატურის მამა"

 
დაიბადა : 30.11.1835 წ
გარდაიცვალა : 21.04.1910 წ

სემიუელ ლენგჰორნ კლემენზი (30 ნოემბერი, 1835, ფლორიდა, მისურის შტატი -  21 აპრილი, 1910, რედინგი, კონექტიკუტის შტატი), ცნობილია მარკ ტვენის სახელით - ამერიკელი მწერალი, სატირიკოსი და იუმორისტი. ყველაზე დიდი პოპულარობა მოიპოვეს მისმა ნაწარმოებმა "ჰეკლბერი ფინის თავგადასავლები" და "ტომ სოიერის თავგადასავლები". თავისი ცხოვრების მანძილზე მეგობრობდა ამერიკის პრეზიდენტებთან, ევროპელ სამეფო ოჯახების წევრებთან, ცნობილ მხატვრებთან და მეწარმეებთან. იგი სარგებლობდა უდიდესი პოპულარობით. მისი მწვავე და მახვილგონივრული სატირა ქებას იღებდა როგორც თაყვანისმცემლებისაგან, ისევე კრიტიკოსებისაგან. ამერიკელმა მწერალმა უილიამ ფოლკნერმა ტვენს "ამერიკული ლიტერატურის მამა" უწოდა.

 უფლისწული და მათხოვარი( დააკლიკე  და  წაიკითხე)

 ბავშვებო, ეს ნაწარმოები ყველას უნდა ჰქონდეს წაკითხული.მალე ვნახავთ თეატრალურ  ვერსიას. მოემზადეთ დისკუსიისთვის.

წიგნის აღწერა:

რომანის მოქმედება 1547 წელს ხდება და ორი, ერთმანეთისგან სრულიად განსხვავებული წრის წარმომადგენელი, მაგრამ გარეგნულად იდენტური ბიჭის ამბავს მოგვითხრობს: ქუჩის მაწანწალა ტომკენტი და ინგლისის უფლისწული, ჰენრი VIII-ის ვაჟი – ედუარდი (მომავალში ინგლისის მეფე ედუარდ მეექვსე) შემთხვევით გაიცნობენ ერთმანეთს; ტყუპებივით მსგავსი ბიჭები ტანისამოსს გაცვლიან და ამის შემდეგ უამრავი საინტერესო და სახიფათო თავგადასავალი გადახდებათ თავს.

მარკ ტვენის გამონათქვამები:

-არაფერი არსებობს ისეთი, რაც დღეს ვერ მოხდება.

-სიბრაზე მჟავას ჰგავს, რომელსაც ყველაზე დიდი და გამოუსწორებელი ზარალის მოყენება შეუძლია.

-ჯობია ჩუმად იყო და ხალხს სულელი ეგონო, ვიდრე ილაპარაკო და მათ შენზე დადებითი წარმოდგენა დააკარგვინო.

-სიკეთე ის ენაა, რომელიც ყრუებს ესმით და რომელსაც ბრმები ხედავენ.

-თუ სიმართლეს იტყვი, ტყუილების დამახსოვრებაზე დრო აღარ დაგეხარჯება.

-ნამდვილი მეგობრები, კარგი წიგნები და სუფთა სინდისი-ესაა იდეალური ცხოვრება!!!

-სიმამაცე შიშის უარყოფაა და არა შიშის არარსებობა.

-ცნობები ჩემი სიკვდილის შესახებ მეტად გაზვიადებული იყო.

-ადამიანი არასდროსაა იმაზე გულწრფელი ვიდრე მაშინ, როდესაც ის საკუთარ ტავს მატყუარად მოიხსენიებს.

სტუმრად რუსთაველის თეატრში

  ბავშვებო, 30 მარტს ვესტუმრებით რუსთაველის თეატრს

ვიკრიბებით   სკოლის  ეზოში 12.00
  მარკ ტვენი

" უფლისწული და მათხოვარი "

  ერთ მოქმედებად  სცენური ვერსია რობერტ სტურუასი, ნიკოლოზ ჰაინე-შველიძისა და ნინო კანტიძის

სცენაზე გაცოცხლებული ნახატები...

პროექტი"სცენაზე  გაცოცხლებული  ნახატები"...დღეს  გაკვეთილზე ჩატარდა ამ პროექტის  პრეზენტაცია.მოსწავლეებმა  მაქსიმალურად თავისუფლად გამოხატეს  საკუთარი იდეები...როლურ თამაშებმა გარდა კომუნიკაციური და თანამშრომლობითი უნარებისა, ხელი უწყო მოსწავლეებში ისეთი რთული სააზროვნო უნარების განვითარებას, როგორიცაა:

·ინფორმაციისადმი კრიტიკული მიდგომა და საკუთარი თვალთახედვის არგუმენტირება;

·კრეატიულობა;

ბავშვებო,ეს საინტერესოა...

    იცით  თუ  არა  რომ?-
1.SOS შეტყობინება ნიშნავს “Save Our Souls” – რაც ნიშნავს: “გადაარჩინეთ ჩვენი სულები”
 2. საქმე რომ არ გქონდეთ და 24 საათი ითვლიდეთ, ტრილიონს მიაღწევთ 31,688 წლის შემდეგ.
3. ციფრი “0″ გამოიგონეს ინდოეთში მეხუთე საუკუნეში, მაშინ როდესაც ევროპაში რომაული ციფრები გამოიყენებოდა და ძალიან უძნელდებოდათ ანგარიში.
4. ერთ წუთში მზე იმაზე მეტ ენერგიას გამოიმუშავებს, ვიდრე დედამიწა მთელი წლის განმავლობაში ხარჯავს.
5. ლეონარდო და ვინჩის შეეძლო ერთი ხელით წერა და მეორე ხელით ხატვა ერთდროულად.
6. თუ აქლემს წყურვილი კლავს,მას შეუძლია 15 წუთის განმავლობაში 200 ლ. წყლის დალევა.
7. გალაკტიონ ტაბიძემ ერთ–ერთი უგრძესი ქართული სიტყვა “გადაინდუსტრიალებულთაგანისებურია” მოიგონა და ამ სიტყვაზე ერთკუპლეტიანი ლექსი დაწერა.
8. ჰავაური ენის ანბანში მხოლოდ 12 ასოა: a, e, i, o, u, h, k, l, m, n, p და w.
9. მხოლოდ 2 არსებაა ისეთი, რომელიც უკან ხედავს ყველაფერს თავის მიბრუნების გარეშე! ესენი არიან კურდღელი და თუთიყუში.
10. საშუალო ზომის აიზბერგის წონა შეადგენს 20,000,000 ტონას.