კაბადოკია -2017 წელი

 "ცოდნის სამარო KU"-ს მიერ გამოცხადებულ 2016-2017 ს/წ კონკურსებში აქტიურად ჩავერთეთ, მივიღეთ მონაწილეობა  და გავიმარჯვეთ. გამარჯვებულ მოსწავლეებს, პედაგოგებსა და სკოლის დირექტორებს ჯილდოდ "ცოდნის სამყარომ" გადმოგვცა 5 დღიანი სამოგზაურო შემეცნებითი ტური კაბადოკიაში... დიდი მადლობა "ცოდნის სამყაროს" ასეთი საოცარი დღეებისთვის...

ერთი ლამაზი შემოდგომის დღე

ექსკურსია მარტყოფის ღვთაების მონასტერში

მარტყოფის ღვთაების მონასტერი — მონასტერი საქართველოში, გარდაბნის მუნიციპალიტეტში, სოფელ მარტყოფის მახლობლად, თბილისიდან აღმოსავლეთით, 25-27 კილომეტრზე. მოქცეულია ტყით დაფარულ იალნოს ქედზე. ღვთაების მონასტერი დაარსებულია 13 ასურელ მამათაგან ერთ-ერთის — მამა ანტონ მარტყოფელის მიერ VI საუკუნეში.

ექსკურსიის ყველა ფოტოს ნახავთ  ( აქ  ..... )

ექსკურსია წლის ბოლოს

ექსკურსია " თბილისი-ქუთაისი-მერტვილი-თბილისი"

ორი დაუვიწყარი ლამაზი დღე...  ასე დავასრულეთ 2016-2017 სასწავლო წელი...
ქუთაისი ( გელათი, მოწამეთა)

მარტვილის კონიონი 

მარტვილის მონასტერი

ოკაცეს კონიონი

დადიანების საზაფხულო რეზიდენცია

კინჩხას ჩანჩქერი

ბავშვებო და მშობლებო, ექსკურსიის ფოტოებს სრულად ნახავთ (აქ...)

სტუმრად მოზარდ მაყურებელთა თეატრში

ნოდარ დუმბაძის სახელობის მოზარდ მაყურებელთა თეატრის სცენაზე ვიხილეთ შესანიშნავი, სულშიჩამწვდომი სპექტაკლი "არ დამივიწყო".

"არ დამივიწყო" რევაზ მიშველაძის ნოველების მიხედვით აგებული ერთ მოქმედებიანი დრამაა. 
მწერალი მამა და აფხაზეთის ომში დაღუპული შვილი-ავტობიოგრაფიული ნოველაა, 80 წელს მიტანებული რაჭველი ბაბუას ამბავი დაცარიელებული მთის პრობლემას ეხება, მეორე მსოფლიო ომში დაკარგული საყვარელი ქმრის მაძებარი ქალი და უჩვეულო სატელეფონო „რომანი“ . 
სპექტაკლში ერთმანეთზეა გადაჯაჭვული- მამა-შვილობა, მოლოდინი და ერთგულება, ამქვეყნიური ცხოვრება და გარდაცვალება, სიყვარული და მომავლის იმედი... 

ფოტოები შეგიძლიად სრულად იხილოთ აქ ------

ექსკურსია რაჭაში

2015-2016 სასწავლო წელი დავასრულეთ ექსკურსიით მარშრუტით "თბილისი-რაჭა-თბილისი". შევჩერდით შაორის ტბაზე და მოვაწყეთ პიკნიკი.

მოვინახულეთ ნიკორწმინდა და ბარაკონი ვნახეთ საყინუულეები. საკმაოდ რთული გზა გავიარეთ. შევჩერდით ამბროლაურში. შემდეგ ვნახეთ საოცარი ჩანჩქერი,დავათვალიერით ონი, დავაგემოვნეთ მჯავე წყლები, ვნახეთ ბეწვის ხიდი...

ექსკურსია მცხეთაში

15.05.2016

შიომღვიმე

სვეტიცხოველი - არქეოლოგიური მუზეუმი - ჯვარი

ექსკურსია ქუთაისში

 ჩატარების თარიღი: 17.06.15
 მიზანი: მოსწავლეების კულტურული და ესთეტიკური განვითარება, თვალსაწიერის გაფართოება, თამამშრომლობა.
ექსკურსიის მნიშვნელობა: ექსკურსია საინტერესო და საგანმანათლებლო ღირებულებების მატარებელია. ექსკურსია იყო წინასწარ დაგეგმილი და მშობლები აქტიურად იყვნენ ჩაბმული წინასაექსკურსიო მზადებაში. ღონისძიება მნიშვნელოვანი იყო თითოეული მოსწავლისათვის,  რადგან მათ მოინახულეს ღირსშესანიშნავი ადგილაბი და გაეცვნენ საკუთარი ერის კულტურას.

  პრომეთეს მღვიმეში  გვანცა აფაქიძის მიერ გადაღებული და დამუშავებული ფოტოები.

"პრომეთეს მღვიმე" გვანცას გადაღებული ფოტოები
ექსკურსია 8-ბ კლასი 76-ე საჯარო სკოლა
Posted by Xatuna Karkarashvili on 22 Июнь 2015 г.

ექსკურსია თბილისის ავტომუზეუმში

13.12.14  ვესტუმრეთ თბილისის ავტომუზეუმს 
მიზანი: შემეცნებითი განვითარება და  თვალსაწიერის გაზრდა.მოსწავლეები  გაეცნონ  თბილისის ავტომუზეუმს, რომელიც ახლახანს გამოჩნდა  მსოფლიო ავტომუზეუმების სიაში. მოსწავლეებმა დაათვალიერონ   რარიტეტული ავტომობილები, მოისმინონ მათი შექმნის ისტორია, იმსჯელონ და გაუზიარონ ერთმანეთს შთაბეჭდილებები.

თბილისის ავტომუზეუმში 13.12.14 on PhotoPeach

კომედი ცენტრში...

ექსკურსია შავნაბადას მონასტერში

ჩატარების თარიღი: 18.10.2014
მიზანი:მოსწავლეების კულტურულიდა  ესთეტიკური განვითარება, თანამშრომლობა,
თვალსაწიერის გაფართოება. სასწავლო პროცესის გახალისება.

ექსკურსიის მნიშვნელობა: სასკოლო ექსკურსიებს უმნიშვნელოვანესი როლი აქვს სკოლის კლასგარეშე განათლებისას. სასკოლო ექსკურსიებზე მოსწავლეებს არა მარტო ნასწავლის შესახებ ბუნებრივ გარემოში განცდის შესაძლებლობა აქვთ, არამედ აქ მათ მნიშვნელოვანი სოციალური და თვითმართვის ჩვევებიც უვითარდებათ. მოსწავლეები სასკოლო ექსკურსიებზე არა მარტო სწავლობენ ერთად, არამედ ერთად ისვენებენ. მნიშვნელოვანია, რომ ექსკურსია წინასწარ იყოს დაგეგმილი.  ექსკურსია მაქსიმალურად საინტერესო და საგანმანათლებლო ღირებულების მატარებელია.

ექსკურსია შავნაბადას მონასტერში on PhotoPeach

რეზიუმე: მოსწავლეები მოუთმენლად ელოდებოდნენ ამ დღეს...ეს იყო კიდევ ერთი ლამაზი, დაუვიწყარი დღე ჩვენი კლასის ცხოვრებაში...შემოდგომის მზიანი დილა გათენდა...გავემგზავრეთ სასწავლო ექსკურსიაზე...შავნაბადა – წმინდა

გიორგის სახელობის მონასტერი სამხრეთაღმოსავლეთ საქართველოში, თბილისიდან 30 კმ-ში.დაარსდა წმინდა გიორგის სახელობის ეკლესიასთან 1992 წელს, საქართველოს კათოლიკოს-პატრიარქის ილია II-ის ლოცვა-კურთხევით... წარუშლელი შთაბეჭდილება დატოვა შავნაბადას წმინდა გიორგის მამათა მონასტერმა. მოსწავლეებმა მოინახულეს და მოილოცეს წმინდა გიორგის მონასტერი, დალაშქრეს შავნაბადას მთა. დიდხანს გავჩერდით მონასტრის მთაზე, ბავშვებმა თამაშით და ერთმანეთის სიყვარულით გული იჯერეს. საღამო ხანს დავანთეთ კოცონი, მოვაწყეთ პოეზიის საღამო...მოსწავლეებმა ისაუბრეს ექსკურსიის მნიშვნელობაზე და გამოხატეს საკუთარი აზრი, შთაბეჭდილებები.კმაყოფილნი და ერთი ბედნიერი დღით დამტკბარნი გვიან დავბრუნდით სახლში იმ იმედით, რომ მომავალში გავაგრძელებთ ქართული კულტურის და ღირშესანიშნაობების მონახულებას. ერთად ვიმოგზაურებთ და უკეთ გავიცნობთ ჩვენ პატარა საქართველოს.

ექსკურსია საქართველოს ეროვნულ მუზეუმში

 თარიღი:  18.11.2014წ.
მიზანი: მოსწავლეების შემეცნებითი,  კულტურული  და შინაგანი  სამყაროს
განვითარება, მოსწავლეთა დაინტერესება საქართველოს კულტურული მემკვიდრეობით, მუზეუმში დაცული ეროვნული საგანძურის დათვალიერება.
რეზიუმე:
მოსწავლეებმა მოინახულეს არქეოლოგიურ საგანძურში დაცული საქართველოს კუთხეებში აღმოჩენილი და სხვადასხვა დროით დათარიღებული ქართული ოქრომჭედლობის უძველესი ნიმუშები: ოქროს ლომის ქანდაკება, თრიალეთის ოქროს თასი, ვერცხლის სარწყული, დიადემები,  სამაჯურები, სასაფეთქლეები, ბეჭდები, საყურეები, სამოსის საკინძეები, ბერძნული წარმომავლობის ჭურჭელი, ირანული წარმომავლობის საწოლის ჭედური ფეხები და სხვ. მოსწავლეები გაეცვნენ აგრეთვე ოქროს მოპოვების ქართულ ტრადიციებს, გაეცვნენ ცვარას ტექნიკას. შემდეგ გაეცნენ საქართველოს ოკუპაციის დროინდელი არტეფაქტებს,  ნახეს დოკუმენტური, ფოტო-ვიდეო და საარქივო მასალები. ექსკურსიის  მსვლელობისას მოსწავლეებმა  დაათვალიერეს  ქართული ტრადიციული ჩაცმულობის ნიმუშები.
   ღონისძიება მნიშვნელოვანი იყო თითოეული მოსწავლისათვის, რადგან გაეცვნენ საკუთარი ქვეყნის კულტურას. ექსკურსიის შედეგად გაიზარდა მოსწავლეების ინტერესი არქეოლოგიის მიმართ და აუმაღლდათ შინაგანი მოტივაცია საქართველოს ისტორიის შესწავლაში.

სტუმრად რუსთაველის თეატრში

  ბავშვებო, 30 მარტს ვესტუმრებით რუსთაველის თეატრს

ვიკრიბებით   სკოლის  ეზოში 12.00
  მარკ ტვენი

" უფლისწული და მათხოვარი "

  ერთ მოქმედებად  სცენური ვერსია რობერტ სტურუასი, ნიკოლოზ ჰაინე-შველიძისა და ნინო კანტიძის

მივდივართ ხელოვნების მუზეუმში

ბავშვებო,უნდა იცოდეთ რომ
მუზეუმის შენობა პუშკინის ქუჩის თავში მდებარეობს და მთავარი ფასადი თავისუფლების მოედნისკენაა მიმართული. ნაგებობა ქართველ მეცენატსა და მეწარმეს იაკობ ზუბალაშვილს ეკუთვნოდა, ხოლო 1840-იანი წლებიდან მასში მართლმადიდებლური სასულიერო სემინარია ამოქმედდა. 1952 წლიდან შენობაში საქართველოს ხელოვნების სახელმწიფო მუზეუმი განთავსდა. შენობის ავტორია იტალიელი არქიტექტორი ჯუზეპე ბერნარდაჩი. ნახევარწრიულ თაღედს დაყრდნობილი, გიგანტური ორდერით მორთული პორტიკით შემკული ნაგებობა გვიანი კლასიციზმის უმნიშვნელოვანესი ძეგლია თბილისში. ისტორიკოსების ცნობით გვიანშუასაუკუნეებში შენობის ადგილას ლევან მეფის დიდი 80 ოთახიანი ქარვასლა იდგა, რომელიც 1724 წლის შემოსევისას დაიწვა.
მუზეუმის კოლექციის ოქროს ფონდში დაცულია ქართული ხელოვნების უნიკალური ნიმუშები: შუა საუკუნეების დროინდელი ხატები, მათ შორის სასწაულმომქმედი ანჩისხატი და თამარის ეპოქის შედევრი ხახულის კარედი. უმდიდრესია მუზეუმში დაცული ტიხრული მინანქრის კოლექცია. ექსპოზიცია ასევე მოიცავს ქართველ მხატვართა დაზგური ფერწერისა და კამერული ქანდაკების უმნიშვნელოვანეს ნიმუშებს. მათ შორის XX საუკუნის დასაწყისის გენიალური ქართველი თვითნასწავლი მხატვრის ნიკო ფიროსმანის ნაწარმოებთა ყველაზე სრულყოფილ კოლექციას. მუზეუმი ასევე მდიდარია დასავლეთ ევროპისა ხელოვნების ნიმუშებით. მათ შორისაა რენესანსის პერიოდის მხატვრის ლუკას  კრანახის ფერწერული ტილო. მუზეუმის აღმოსავლური კოლექცია მდიდარია უნიკალური ხალიჩებითა და ნაქარგობით.

ექსკურსია უფლისციხეში

 მიზანი: კულტურული მემკვიდრეობის გაცნობა. მიღებულ შთაბეჭდილებებზე მსჯელობის და საკუთარ ნამუშევართა გადმოცემის უნარის განვითარება.

        წარუშლელი შთაბეჭდილება დატოვა უფლისციხის ხუროთმოძღვრულმა კომპლექსმა–ანტიკურმა ქალაქმა, რომელიც კლდეშია ნაკვეთი. მოსწავლეებმა დაათვალიერეს დარბაზები,  მიწისქვეშა თონეები, უძველესი აფთიაქი, მტკვარზე ჩამავალი საიდუმლო გვირაბი, გალავანი და ა. შ.მოსწავლეები მოიხიბლნენ ჯვარგუმბათოვანი ტაძრის ატენის სიონის სიდიადით, ტაძრის კედლებზე შემორჩენილი სხვადასხვა დროის ქართული ასომთავრული წარწერითა და მინაწერით.

 ყველაზე მეტად ბავშვები პიკნიკსა და წუწაობას ელოდებოდნენ.მოსწავლეებმა დიდად ისიამოვნეს ამ გასვლითი ღონისძიებით და ხელოვნების გაკვეთილისთვის  მოამზადეს ფოტოხელოვნების  ნიმუშები...

ვემზადებით ექსკურსიისთვის

  ახლოვდება ზაფხული და კიდევ ერთი საინტერესო ექსკურსიის მოლოდინში არიან ბავშვები...
 კვირას  2  ივნისს   მოსწავლეები  მშობლებთან  ერთად გაემგზავრებიან  სასკოლო ექსკურსიაზე უფლისციხეში...
მიზანი: კულტურული მემკვიდრეობის გაცნობა. მიღებულ შთაბეჭდილებებზე მსჯელობის და საკუთარ ნამუშევართა გადმოცემის უნარის განვითარება.
მშობელთა კრებაზე მოვაგვარეთ  საორგანიზაციო საკითხები...

სტუმრად რუსთაველის თეატრში

  ბავშვებო,  29 მარტს  18.30

ვიკრიბებით   სკოლის  ეზოში

 " კაცია-ადამიანი?!"

ილია ჭავჭავაძე            ერთაქტიანი   ტრაგიკომედია  

დამდგმელი რეჟისორი –	რობერტ სტურუა
რეჟისორი –	ანდრო ენუქიძე
მხატვარი –	მირიან შველიძე
კომპოზიტორი –	გია ყანჩელი
მუსიკალური გაფორმება	ია საკანდელიძისა
ლოტბარი –	ანზორ ერქომაიშვილი
ქორეოგრაფი –	გოგი ალექსიძე
რეჟისორის თანაშემწე –	გრიგოლ თათეიშვილი

მონაწილეები -

დათო დარჩია, თათული დოლიძე, მარინა კახიანი, ჟანრი ლოლაშვილი, ტრისტან სარალიძე, დავით უფლისაშვილი, დარეჯან ხარშილაძე, ნანუკა ხუსკივაძე 

                                         

ექსკურსია ბარამბოს ქარხანაში

2013 წლის 28იანვარს  VI-2 კლასი იმყოფებოდა სადამრიგებლო პროგრამით გათვალისწინებულ შემეცნებით ექსკურსიაზე - "ბარამბოს" შოკოლადის ქარხანაში. ბავშვებს ძალიან მოეწონათ შოკოლადის და  კარამელის  დამზადების ტექნოლოგია.  ისინი დიდი ინტერესითა და ხალისით ადევნებდნენ თვალყურს დამუშავების ტექნიკას. მოსწავლეებს ჰქონდათ საშუალება დაეგემოვნებინათ რამოდენიმე სახის ნაყინი და  მიიღეს მონაწილეობა კენჭისყრაში , რამაც საერთო აღფრთოვანება გამოიწვია. მოსწავლეებმა სურვილი გამოთქვეს დაეთვალიერებინათ მცხეთის ღირსშესანიშნაობები, რამაც უფრო გაამრავალფეროვნა ის დღე.

საოცარი დღე კლასთან ერთად...

წვიმიანი დღე იყო,მაგრამ ჩვენ განწყობილებაზე ამინდმა არ იმოქმედა...კარგად ვიხალისეთ და ვიმხიარულეთ...

ეროვნულ გალერეაში...

დრეს შედგა სადამრიგებლო საათი სკოლის გარეთ-საქართველოს ეროვნულ გალერეაში...

მიზანი: მოსწავლის შემეცნებითი და კულტურული განვითარება,ხელოვნების მიმართ დამოკიდებულების ფორმირება.

ექსკურსია დმანისში